طريقه العمل والربح بجانب وظيفتك الاساسيه (Freelancer) وتعلم كورسات جديده.

ازاي تواجة الغلاء في الاسعار و تلاقي حل لازمة الدولار اللي وصل ببساطة الي ما يقارب ال20 جنية ؟ 
و هل ممكن الدولار يوصل ل 5 جنيه تاني؟؟

الوظائف كلها في مصر شغالة بالجنية المصري و المرتبات مش بتزيد علشان تواجهه الغلاء اللي حاصل في البلد لكن الموضوع مش معقد وملهوش حل بالعكس لازم ندور علي البدايل و الافكار اللي تخلينا نقدر نواجهه الازمة 
والحل من وجهه نظرنا هو :
اولا العمل كشخص مستقل او Freelancer ودة اللي بكل سهولة بيخليك 
1- ممكن تقبض بالدولار قصاد اي مهمة انت بتقوم بتنفيذها
2-تقدر يكون عندك دخل اضافي جنب شغلك
3-تنمي مهاراتك و مجالات خبراتك اللي تقدر بيها تشتغل في وظيفة تانية بمرتب اعلي
طب يعني اية Freelancer اصلا:
هو شخص عندة خبرة في مجال معين او موهبة في مجال معين بتقدر تقدم خبرتك او شغلك دة لحد محتاجة من خلال مواقع علي الانترنت او من خلال التسويق لنفسك انك بتعمل شغل مستقل او عن طريق موقع خاص ليك او عن طريق صفحة علي الفيس بوك مثلا او علي السوشيال ميديا عموما , وبتشتغل بمقابل مادي ممكن يكون بالدولار لو الشخص دة اجنبي او العملة المحلية وتقدر تعمل الشغل دة بمجرد انك تكون عندك جهاز كمبيوتر و وصلة نت ومجال خبرة انت فاهم فية اصلا او هتبتدي تتعلم مجال جديد 
أيوة أيه علاقة ده بسعر الدولار ...أصبر هنقولك في الأخر..

اية مجالات الشغل اللي ممكن تشتغل فيها كشخص مستقل Freelancer :
مجالات كتير جدا الحقيقة بتتطلب زي: انك تبيع اي حاجة اونلاين , ادخال بيانات (Data Entry ) , انك حد يوظفك تعملة خدمات تليفونية زي تسويق من خلال التليفونات(Call Center ), تمسك صفحة علي الفيس بوك مثلا تديرها و ترد علي الكومنتات و الرسايل و تنزل بوستات (Administration ) ,الترجمة بكل انواعها اذا كانت ترجمة كتب او وثائق او افلام (Translation) , التصوير الفوتوجرافي او تصوير الفيديو(Photography) , تشتغل في المونتاج (Video Editor) , ادارة مشروعات (Project Manager) , تعمل تصميمات Design)) , برمجة , استشارات هندسية و اعمال محاسبية وحجات كتير جدا ممكن تشتغلها من علي النت او كشخص مستقل 
طيب انا شخص معنديش اي خبرة في اي مجال عمل و مشتغلش قبل كدة في اي حاجة من الحجات دي بكل بساطة الموضوع مبقاش صعب انك تتعلم اي مجال جديد من خلال كورسات اونلاين مجانا او قنوات علي اليوتيوب تتعلم منها اي حاجة نفسك فيها و تعمل بحث علي جوجل عن اي مجال انت نفسك تتعلمة هتلاقي حجات كتير جدا بتعلمك ودي:
مواقع هتفيدك جدا انك تتعلم منها :
<--adsense--!>
1-موقع http://www.udacity.com/ :موقع تفاعلي فيه مجالات مثل علم الإحصاء وعلم الفيزياء لكن العلوم الخاصة بالحاسب الآلي هي الاكثر مثل البرمجة والتصميم وغيرها 
2-اكاديمية خان http://www.khanacademy.org/ :كورسات للطلبة في اغلب المواد تقريبا + البرمجة و الحسابات وكورسات كتير جدا هتلاقيها علية
3-موقع http://www.udemy.com/ :يحتوي علي عدد كبير من الكورسات أكثر من خمسة الف كورس والعدد في تزايد مستمر 
4-شبكة الدارين للتعليم المجاني (عربي)http://www.aldarayn.com/ :وهي شبكة متخصصة في اقامة دورات مجانية مباشرة بين الطلاب وبعض المدرسين المتطوعين في عدة 
5- كورسات مجانية من جامعات عالمية عبر موقعhttps://www.edx.org/
6-الموقع التعليمي المتفرع من موقع تيد الشهير http://ed.ted.com/ 
7- مئات الدورات عبر موقع https://www.coursera.org/courses
<--adsense--!>
8- موقع لتعلم البرمجة : كود اكاديميhttp://www.codecademy.com/
طب انا عندي خبرة في مجال معين او اتعلمت مجال معين وعايز ابتدي اشغل بية ومش عارف هوصل ازاي للناس اللي محتاجة الحجات دي اعمل اية : 😊😊
1-ممكن تعمل صفحة علي فيس بوك بأسمك وتبتدي تسوق عليها شغلك 😉
2-ممكن تدخل علي موقع من موقع ال Freelance ودي كتير جدا هتدخل تعمل عليهم حساب و تبتدي تشوف الناس اللي محتاجة الشغل دة وتبتدي تراسلهم و تعملهم شغل ويبعتولك الفلوس بكل بساطة 😀😀
دي مواقع للعمل المستقل اجنبية و عربية هتستفاد جدا منها 
1-https://www.upwork.com/ 
2-https://www.freelancer.com/ 
3-https://www.ifreelance.com/
4-https://www.freelanced.com/
5-https://mostaql.com/
6-http://menlbayt.com/
7-https://khamsat.com/
8-http://freelanceme.net/
9-http://www.arabproz.com/
10-https://ikhedmah.com/
وبكدة انت عندك موسوعة كاملة من الافكار و الكورسات التعليمية ومواقع العمل المستقل تقدر بيهم تبتدي حياة جديدة وشغل جديد بعيد عن الوظيفة المملة وتقدر تزود بيهم دخلك و تاخد حسابك بالدولار 
و لو كلنا أصبح عندنا الفكر ده و إبتدينا نكسب بالدولار هندخل عائد ربح بالدولار ضخم جدا ينعش الأقتصاد المصري و ممكن نوصل بالدولار لأقل من 5 جنيه كمان
أنت عارف مصر فيها كام واحد في سن العمل؟؟
42 مليون شخص
لو كل 4 أفراد واحد بس أشتغل بالمبدأ ده...
و بأعتبار ان الناس دي بتشتغل علي المتوسط اللي هو 300 دولار شهريا فقط
انت عارف ده هيدخل للبلد كام دولار؟؟
300 * 10 مليون بنتكلم في حوالي 3 مليار دولار
عارف ان ده أكبر من عطائات البنك المركزي الشهرية للدولار ب عشر مرات؟؟
انت عارف ان ده لو استمر ل 10 شهور بس 
سعر الدولار ممكن يوصل 2 جنيه..
طيب انت عارف ان ده مش مستحيل لأن دولة زي الهند فيها حوالي 80 مليون حد شغال Freelancer??