معلومات مهمه جدا لكل حديثى التخرج

مجال الشبكات فىه كذا وظيفه وبناء على إنت عاوز تشتغل ايه هتبدأ تشوف طريقك هيكون ازاى :

1- الطريق الأول : انك تشتغل مهندس شبكات ف ISP ( شركه انترنت ) :

___________________________________________
الطريق ده محتاج انك تبقى فاهم راوتنج كويس جدا جدا وعشان كده انت عشان تقدم محتاج الأتى :
CCNA R&S
CCNP Route
لو زودت كمان
CCNA Service Provider هيكون أفضل
وظيفتك بتبقى دايما فنفس المكان جوه مقر الشركه

2- تانى طريق إنك تشتغل Implementation فشركات

ال Integration أو ال Network Solution :

________________________________

ودول عددهم كبير فمصر وهتلاقى معلومات عنهم فاللينك ده

https://www.facebook.com/ciscoblog/posts/1134528136719576

هنا انت وظيفتك انك تروح الشركه كل يوم وبعدين تتحرك من الشركه على أحد العملاء بتوع شركتك عشان تروحهم تعملهم أى حاجه فالشبكه بتاعتهم فانت شغلك فعليا مش فمقر الشركه فقط انت مقضيها لف عالعملاء ... العملاء دول ممكن يكونو بنوك / فنادق / شركات عاديه ملهاش علاقه بمجالنا ... فبيروحو لشركه زى شركات النتوورك سليوشن ويمضو معاهم عقد سنوى عشان يبقو مسؤلين عن الشبكه بتاعتهم

انت هنا شغلك هيبقى عالسويتشات اكتر من الراوترات وعشان كده انت مبدأيا لازم يكون معاك :

CCNA R&S

CCNP Switching

وانت لسه جونيور فالأول شغلك مش هيبقى سويتشنج فقط أنت هيطلب منك تذاكر wireless أو voice أو security وممكن كمان data center وعشان كده انت كل ما تذاكر حاجات من دول قبل ما تقدم فالشركه اصلا يبقى أفضل وفرصتك فالتعيين تزيد أكتر ... والسوق ياصديقى معتش بيرحم ومجالنا ده محتاج مذاكره منك طول العمر ومبيشتغلش غير المتميز فقط

شركات النتوورك سليوشن مش كلها زى بعض هى بتفرق فحجم الشركه وده بينعكس عليك بمعنى :

لو الشركه كبيره : فأنت هتلاقى :

تيم مخصوص لل Voice و تيم مخصوص لل Security

و تيم مخصوص لل Network وده تحت منه الأتى

R&S - Wireless - Data center

فانت لو فتيم النتوورك يبقى مش هيطلب منك تعمل حاجه فباقى التيمات بتاع السيكيورتى والفويس

اما لو الشركه صغيره فانت تقريبا هتبقى بتاع كله هيتطلب منك مع الوقت تفهم سيكيورتى وفويس و وايرلس وراوتنج وسويتشنج وصدقنى ده احسنلك انت مع الضغط غصب عنك هتذاكر ولما تذاكر وتبقى بتفهم فده كله فدى اكيد حاجه كويسه جدا وبتعلى من سعرك فالسوق

3- ثالث طريق إنك تشتغل Pre-Sales فشركات

ال Integration أو ال Network Solution :

________________________________

وده وظيفته انه يروح يقعد مع العميل يتكلم معاه ويسمع منه يشوفه عاوز يعمل شبكه مكونه من ايه ويبدأ يتناقش معاه عندك كام موظف وكام فرع وايه رأيك نستخدم أجهزه سيسكو أو هواوى أو جنيبر واشمعنى مثلا تشترى سيسكو عشان كذا وكذا ويقنع العميل انهم افضل شركه ينفذوله اللى هو عاوزه عشان كذا وكذا وكذا وده محتاج واحد بياع شاطر + تكنكال شاطر وده بيحتاج انك تكون فاهم فتصميم الشبكات وعشان كده لازم يبقى معاك الأتى على الأقل :

CCNA R&S

CCNA Design

طبعا مع الوقت انت بتقرر إنك تتخصص فحاجه معينه زى مثلا سيكيورتى أو فويس فلو بدأت فالأول راوتنج وسويتشنج ممكن لو الشركه كبيره تنقل فتيم السيكيورتى أو تيم ال voip اللى اسمها دلوقتى بقه (Collaboration)

وممكن تشتغل برده فشركات الانترنت كمهندس سيكيورتى أو voice وده برده بعد كذا سنه خبره فالراوتنج وسويتشنج

حابب أوضح حاجه مهمه :

__________________

أوقات مثلا بتفتح فيديو لمهندس بيبقى بيشرحلك حاجه وتلاقيه كاتب انه معاه مثلا 15 شهاده دوليه ويجيلك احباط وتسأل نفسك سؤالين :

- أنا هجيب منين فلوس لكل الشهادات دى

- هجيب منين وقت وجهد اذاكر كل ده

واجابه الاسئله دى كالأتى:

أولا بالنسبه للفلوس حابب أطمنك واقولك ان الشركه اللى انت هتشتغل فيها هى اللى بتشيل حق الشهادات دى وانت مبتدفعش حاجه ... أو فأسوأ الظروف هتدفع نسبه بسيطه من سعر الشهاده (لأن الموضوع بيفرق من شركه للتانيه)

ثانيا بالنسبه انك هتجيب منين وقت ومجهود لكل ده

عاوز اطمنك إنك لما تروح تشتغل فالشركه هتلاقى كله بيذاكر وتحت الضغط والتشجيع انت كمان هتذاكر.. غصب عنك هتذاكر غير كده مش دايما مذاكرتك هتبقى فالبيت انت ممكن تروح الشركه ميكونش في شغل فاليوم ده فتقعد تذاكر فالشغل انت وزمايلك وده طبعا بيشجعك عالمذاكره واللى معاه 15 شهاده ده مخدهومش فيوم وليله ده بقاله كذا سنه فشغله محطوط تحت ضغط انه لازم يذاكر وعشان كده وصل للى هو فيه دلوقتى

وفالنهايه حابب أقول إن كل اللى فات ده كان وجهتى نظرى الشخصيه واللى اكيد مش هتنطبق على كل اماكن العمل الموضوع بيفرق من مكان للتانى وممكن حاجات انا اتكلمت فيها متكونش بتحصل فشركتك لكن بتحصل فشركه غيرك

إحنا بقالنا فتره بنكتب مقال عن كل توبك فال CCNA هتلاقى المقالات عالجروب بتاعنا :

https://www.facebook.com/groups/1623068671302439

وعالهاشتاج ده

#CCNA_HOSAM_HASSAN