Discussion Ericsson RRU (Meaning and Functions)

اولا يعني ايه RRU ؟؟
يا كبير المهندسين :D دي اختصار ل remote radio unit
ال radio unit يقصد بيها الجزء المسؤل عن ال modulation / filteration / power amplification

طب ليه سميتها remote كده -_-
هحكيلك قصتها .. زمان كان في كروت في الكابينه اسمها ال radio ودي اللي بتعمل ال power amplification و تكبر الاشاره و تعمل modulation و تحول الاشاره من digital الي analog بتردد عالي وكده ذي مثلا في ال 2G كروت ال DTRU لكن كان بيقابلني مشكله اني بعد مابرفع ال signal علي carrier واديها power وابعتها بتمشي من الكارت في الكابينه تحت لحااااااااد فوق لل antenna فيحصل loss كبير في ال power

ففكرنا نحط جهاز جنب ال antenna علطول او وراها و هو يكون المسؤل عن ال frequency modulation وال power amplification و فعلا عملنا ال RRU و سميناها remote لانها فعلا بعيده عن ال cabinet ;)

ال RRU في منها نوعين . الاول شغال 2G والتاني 3G و قليل لو لقيت ال 2G انما دايما هتلاقي ال 3G
ال RRU ال 2G هتلاقيها علي سبيل المثال في سايت في مدينه نصر ونت طالع كوبري النزهه عالشمال السايت ده 6 sector :D

المهم . ال RRU بتبعت بباور في حدود 10 او 20 او 40 watt و تقدر تبعت لمسافه توصل لاكتر من 15 km

في انواع بتشتغل علي single carrier وفي اللي شغال dual carrier ده طبعا بالنسبه لل 3G
(Y)
بتوصلها power من اي power supply في ال site او كابينه بطاريات ذي مثلا PBC 02 اللي شرحتهالكم قبل كده . ال RRU بتاخد DC -48 volt او 220 volt AC

بتوصل ال RRU بالكابينه من تحت بكابلات fiber و بتخرج من ال RRU كابلات COAXIAL jumber 1/2 inch تروح لل antenna في بورتات ال 3G طبعا اللي شغاله 2100 او 1800 MHZ

ال RRU من تحت هتلاقي فيها panel للتوصيلات . لما تفتحها هتلاقي الاتي :
بورت للباور و بيتوصل بال -48 فولت DC
بورت لل earth او ground , و بتوصله بالباره الايرث ground bar
بورتين للانتينا feeder / jumber الاول بيكون TX/RX و التاني RX diversity
بورتين للكابينه تحت و بيكونوا طبعا optical fiber و بيتوصلوا بكابينه ال 3G ذي مثلا ال RBS 6601 او بال DUW 6102
واخيرا بورت لل RET ودي معناها remote electrical tilt و اللي بتعمل tilting لل beam اللي طالع من ال antenna علشان اتحكم في ال coverage area وال interference من ال cabinet :D

هتلاقي كمان LED indicators تعرف منها ال RRU متبوره و شغاله ولا مفلطه :D
ليد green و بيعرفك ال RRU واصلها power ولا لا
ليد red و بيعرفك ال RRU فيها مشكله faulty ولا شغاله
ليد yellow لكابلات ال fiber وواحد تاني لل RRU information

لو حصلت و قلبت RRU من ال site اذا كانت ديسمنتال او انت كمرتها و خدتها معاك في البيت :D و بتحصل كتير و فتحتها هتلاقي ايه ؟؟

بورده TRX و دي المسؤله عن ال carrier up and down conversion او بمعني اصح ال modulation وال demodulation و هتلاقي في البورده oscilators و mixers شغاله في باند من 1920 الي 2170 mhz و كمان البورده دي بتظبط ال delay , gain

بورده ال power amplifier و ده يعتبر اغلي حاجه في ال RRU و في منه انواع 10 او 20 او 40 watt

بورده ال filtering و فيها ال bandbass filters علشان تعدي ال carriers علي شكل channels و كمان بتظبط ال VSWR او ال voltage standing wave ration ودي ببساطه كميه ال power ال reflected من ال wave اثناء ال transmission

بورده لل RET

بورده لل DC conversion ودي بتحول ال 48 فولت الي 5 و 28 فولت DC

علي فكره ال RRU ليها انواع كتير و هلخصلك القصه دي بحيث تقدر تعرف اي معلومه من اسم ال RRU و رقمها :)

اي RRU بيكون مطبوع جنبها 6 ارقام و دول بيدلوا علي الاتي : ( من الشمال )
الاول بيدل علي عدد ال carriers في ال downlink
الثاني بيدل علي عدد ال carriers في ال uplink
الثالث و الرابع علي باند الترددات اللي شغاله عليه frequncy band
الخامس والسادس علي اعلي قيمه power ببعت بيها

حد يقدر يقولي ال RRU 22 21 20 دي شغاله علي ايه power / carriers / spectrum