شرح مبسط عن الترانسميشن والباندات المستخدمه

بتتعامل مع المجاذينه ولينكات الميكرويف اللي شغاله علي ترددات عاليه و معدل نقل بيانات عالي جدا و باندها بال 100 ميجا و ترافيكE1 , STM -1 ,...

انما شغل الراديو بتتعامل مع كابينه الموبايل و اليوزر

منظومه الترانسميشن تنقسم للاجزاء دي

المجاذينه magazine ودي كابينه الميكرويف اللي بتكون جوا الشلتر او في السايت تحت و بتتوصل بانتينا الميكرويف عن طريق كابل اسمه اي اف IF intermediate frequency

الكابل اتسمي كده لان التردد اللي ماشي فيه كاشاره تردد قليل في حدود ال 140 ميجا هرتز كارسال و 350 ميجا هرتز كاستقبال

الكابل ده بيكون coaxial شبه كابل الدش اللي عندك في البيت بس يختلف عنه داخليا شويه بس نفس الفكره بيتكون من موصلين من النحاس بينهم طبقه بلاستيك عازله ومغلف خارجيا بطبقه بلاستيك لونها اسود و مينفعش مقاومه الكابل تزيد عن 50 اوم و ميستحملش تمشي فيه اشاره بتردد اعلي من 4 جيجا هرتز تقريبا (y)

بنوصل الكابل بالكابينه و الانتينا عن طريق كونكتور connector شبه الصاموله بتعزل الكابل بطريقه معينه و مقاس معين وتفك الكونكتور وتركب الكابل في الطرفين وتربطهم بمفتاح بلدي 

قبل مابتوصل الكابل بالانتينا بتوصله بحاجه اسمها الراوه RAU radio access unit

ودي عباره عن جهاز مسؤل عن تكبير الاشاره اثناء الارسال والاستقبال و رفع وخفض تردد الاشاره ( رفع التردد اثناء الارسال من 140 ميجا الي 38 جيجا مثلا علشان يدخل عالانتينا و تبعته في الهزاء للسايت التاني و خفضه اثناء الاستقبال من 38 جيجا الي 350 ميجا علشان يقدر يمشي في كابل الاي اف وينزل عالكابينه ) :)

الانتينا هي من نوع الهورن horn antenna

لازم يكون في لاين اوف سايت بين السايتين اللي هتربطهم ببعض يعني مفيش اع عوائق بينهم تمنع الاشاره وده بتعرفه لما توصل اللاب بتاعك بالكابينه و الكابينه متوصله بكابل الاي اف عالرازه والانتينا والسايت التاني بيبعتلك وانت بتستقبل وفاتح السوفت وير بتاع الالايمنت و بتستقبل الاشاره ووهتحط احداثيات السايت علي جوجل ايرث و عالسوفت وير احداثيات السايتين فهيرسملك صوره كروكي كده للوسط مابين السايتين فلو في اي حاجه مابينهم هتشوفها وساعتها لاذم تاخد اكشن وتحل الموضوع

line of sight , alignment , coordinates

احل الموضوع اذاي ؟ -_-

تعمل ريبورت non line of sight لمديرك
تقوله اننا ممكن نعمل سايت ريبيتر علي سطح المكان اللي في العائق ده
او ممكن نعلي اللينك عالتاورين بحيث تعدي حيز العائق و تحقق اللاين اوف سايت
لو عندك فكره تانيه قولها :D

الانتينا ليها احجام مختلفه بتبدا من قطر 20 سم لحد 3 و نص متر
تردداتها بتبدا من ال 6 جيجا هرتز لحد ال 80 جيجا هرتز
في مصر بنسبه 90 في الميه بنشتغل لحد ال 38 جيجا هرتز

بيسموه ال blue band

ومن 40 لحد 80 جيجا هرتز بيسموه ال red band

الانتينا ليها طريقتين للتركيب

integrated mount يعني الانتينا راكبه مع الراوه علطول وده بيحصل اكتر مع الانتينات الشورت هوول short haul اللي مساحتها صغيره

seperate mount وده اللي بتركب الانتينا لوحدها و الراوه بعيده عنها بشويه و مابينهم وييف جايد wave guide
وبنستخدم القصه دي في حاله الانتينات الكبيره بنسميها long haul

ملحوظه مهمه:

short haul = low diamter = high frequency = low wave length = low coverage area

long haul = high diamter = low frequency = high wave length = high coverage area = high transmitted power relatively

(y)

حاجه كمان الانتينات الصغيره بتيجي جاهزه و تتركب مع الراوه انما الانتينات الكبيره دي بتيجي اجزاء و بتتجمع

بتتكون من 3 اجزاء رئيسيه

dish
shielded panels
radome

الرايدوم دي الحاجه اللي شبه القماشه اللي بتشوفها في الانتينا الكبيره 

سعات بتلاقي حاجه اسمها

power splitter في اريكسون
hybrid coupler في هواوي

نفس الوظيفه بس اريكسون بتسميه كدا و هواوي بتسميه كده وده المسؤل عن توصيل راوتين علي نفس الانتينا

طب استفادت ايه انا من ده ??

اولا في حاله ال protection
او ال XPIC

هنتكلم عنهم بعدين

المجاذينه بقه ليها 3 انواع اساسيه

AMM 2P
AMM 6P
AMM 20P

اريكسون بتسميها MINI LINK
هواوي بتسميها RTN

انواعها كتير اشهرهم الترافيك نوود TN traffic node

في كمان CN , HC , MARCONI , PT 6020 , E , E micro ,....

المجاذينه بيكوت فيها كروت هي المسؤله عن ال signal processing

هتلاقي كارت باور تغذيه الكابينه باور اسمه PFU power filter unit

هتلاقي كارت للتبريد اسمه FAU fan unit

هتلاقي كارت كنترول اسمه NPU node processing unit

ده المسؤل عن تجميع الالارمات كلها و كمان بتلوج عالكابينه منه يعني بتوصل اللاب توب بتاعك بالكابينه وتشوف السيستم كله و تترابلشوت اي الارمات كمان فيه انترفيس ترافيك يعني تدخله ترافيك اي ونات E1

في هواوي اسمه CHSA , CHSB تقريبا

هتلاقي كارت ترافيك اي ونات و اس تي امات اسمه LTU line termination unit

traffic PDH , SDH e1 , stm - 1
في منه انواع LTU 12 * 2 , LTU 16 * 2 , LTU 155

في هواوي اسمه SLD1
في برده كارت SP3S , SP3D

هتلاقي كارت ترافيك ايثرنت اسمه ETU ethernet termination unit
100 / 1000 base T

في كارت اسمه MMU
modem unit
ده المسؤل عن عمليه ال modulaion , demodulation
, all digital signal processing

انواعه MMU 2A , MMU 2B , MMU 2C , MMU 2H

وده الكارت اللي بيتوصل عالراوه عن طريق كابل الاي اف
في هواوي اسمه IF2 , IFX

في كارت مهم اسمه SMU
switch , multiplexer unit
ده مسؤل عن تجميع اشارات الترافيك و الالارمات والتحكم و باور الراوه اللي هوا 48 فولت و يبعتهم كلهم علي كابل الاي اف عن طريق كارت ال ام ام يو

كمان هو اللي بيعمل سويتشنج في حاله انك مركب لينكين واحد اساسي و التاني ستاند باي لو حصل مشكله في اللينك الاساسي الستاند باي يدخل في الخدمه ويشتغل